Upplifðu tíma Eiríks rauða

Á Eiríksstöðum er endurskapað andrúmsloft sögustunda í langhúsi frá 10. öld og hægt er að heimsækja rústir upprunalega bæjar Eiríks rauða og ganga í æskuspor Leifs heppna Eiríkssonar.

01. apríl til 31. október - 10.00 til 17.00

MIÐAR

Inni í tilgátuhúsinu

Tilgátuhúsið okkar er partur af tilraunafornleifafræði: Árið 1999 var það byggt á sama skala, með sömu aðferðum, verkfærum og byggingarefnum sem hefðu verið tiltæk á Íslandi fyrir um þúsund árum.

Við teljum að smíði hússins skapi sérstaka stemningu sem kemur okkur eins nálægt tímaferðalögum og hægt er.

Einn af ástríðufullu og vel reyndu leiðsögumönnum okkar tekur á móti þér í klæðaburði fortíðarinnar og þú færð einstakt tækifæri til að setjast niður við langeldinn þar sem þú getur hlustað á sögu Eiríks rauða, lært allt um byggingu íslenskra torfhúsa og spurt allra spurninga sem þú hefur um lífið á Íslandi og í Skandinavíu á 10. öld.

Þú getur jafnvel farið í hringabrynju og haldið á vopnum sem fyrstu landnemarnir á Íslandi höfðu við höndina.

Hver og einn af leiðsögumönnum okkar hefur sína eigin leið til að segja sögurnar, við teljum að það sé eðlilegra en handrituð ferð hvað varðar markmið okkar.

Svæðið í kring

Jarðhýsið

Fyrir utan tilgátuhúsið höfum við hafið byggingu á jarðhýsi sem fannst við uppgröftinn á Eiríksstöðum.
Það er kannski ekki mikið að sjá þar strax, en við hlökkum til að sýna ykkur meira af fortíðinni í framtíðinni.
Þegar húsið er tilbúið munum við færa allt tengt tóvinnunni inn í nýja jarðhýsið, en þannig verður sýningin nær því hvernig við teljum að Eiríksstaðir hafi verið á sínum tíma.

Rústir langhússins

Ef þú fylgir malbikuðum göngustíg frá tilgátuhúsinu ferðu fram hjá styttu af Leifi „heppna“ Eiríkssyni áður en viðarflögustígur leiðir þig upp að rústum gamla bæjarins.

Ef þú átt í erfiðleikum á viðarflögunum getur þú haldið áfram á malbikuða stígnum sem mun leiða þig að brúnni sem sést hægra megin á myndinni.

Þar eru nú tvær uppgrafnar byggingar: langhúsið, þar sem fjölskyldan bjó, og jarðhýsið, einnig þekkt sem „kvennadyngja“.

Ef þú vilt lesa meira um fornleifafræðina geturðu smellt hér.

Skrunaðu niður til að fá frekari upplýsingar um svæðið á Eiríksstöðum.

Á göngustígnum

Meðfram malbikaða stígnum má sjá beinagrindur nokkurra brunninna gafla, en þetta eru leifar af Eldhátíðinni okkar frá 2024.

Við unnum með hópi sérfræðinga sem byggðu lítið torfhús á steinbökkum Haukadalsár, en þeir brenndu svo húsið til kaldra kola!

Markmiðið var að komast að því hversu lengi fólk gat lifað inni í brennandi torfhúsi - en slíkum atburðum er oft lýst í Íslendingasögum.

Annað á svæðinu

Fyrir börn á öllum aldri höfum við bætt við svæðið okkar:

Í ár bættum við reipi fyrir reipitog, og stöng með reipi fyrir "Battle Ropes". Einnig eru komnar upp tunnur sem hægt verður að lyfta þungum steinum á, og ofar í hlíðinni, á milli trjánna hjá rústunum, er kassi fyrir framtíðar fornleifafræðinga þar sem hægt verður að grafa í og mögulega finna eitthvað spennandi.

- Fleira er í býgerð!